نهفات طلاب و طالبات بيرزيت

Angeleye_2008 · #1 (**permalink**) 04-14-2010

بسم الله الرحمن الرحيم

هذه بعض مواقف مرت علي في الجامعة تدل على سوء الفهم.....
1- بنت حلوة والها شعبية بين الشباب والكل يحاول يزبطها بتقول: " الشباب دايرين ورا البنات, احكي للواحد مرحبا بفكرك بتحبيه"
خبرة ما شاء الله
2- شب اله شعبية بين البنات والبنات بتحاول تتقرب منه: " البنات على كف مين يشيل. بس أشر للبنت بتلزق فيك".
أعصابك يا كبير.

3- شب ما لاقى ولا وحدة تطلع في وجهه:" البنات ميخدين في حالهم مقلب با زلمة!!!!".
معلش خليه يفش غله.

4- شب حليوة ما حكى لبنت مرحبا:" يا الله شو شايف حاله, متكبر".
عاد المسكين يكون استحى منها او خاف انها ما ترد عليه , ولو كان الشب مش حليوة طبعا ما رح تعلق لانها مش معنية فيه.

5- بنت مدنية حاولت تزبط شب فلاح وما زبط معها:" فلاح معئد( يعني معقد)"
كله ولا تعترف انها فشلت

6- شب أحكى لبنت مرحبا وما ردت عليه ضل طول الليل مصدوم ومش فاهم ليش عملت فيه هيك
عاد المسكينة بتكون استحت او انه فاجأها. انتوا بتعرفوا اسلوب المفاجأة مع البنات ما بزبط
7- البنت اللي بتحكي للشب مرحبا وما برد عليها بتحقد على الشباب طول عمرها وبتسمي البلوتوث بتاعها الحاقدة على الشباب
مش كل البنات هيك حرام الظلم

8- الشب اللي بحب بنت وما بقدر يحكيلها:
بنامش في الليل, بغيب عن نص المحاضرات وهو داير وراها وبحمل مادة او ثنتين وبعد مدة بشوفها مع شب ثاني.....
يمكن يكفر ويسب دين البنات ( أستغفر الله).

9- رأي الشباب في البنات المحجبات والملتزمات:" فر منهن فرارك من الاسد" يعني هدول البنات صاروا بعبع؟؟؟!!!

10- واللي شاف بنت مهتمة فيه كثير وضربت معهم صحبة منيحة وصدق حاله الاخ وبعد مدة اكتشف انها بتزبط فيه عشان الانتخابات....... تعيش وتوكل غيرها.

11- أخيرا شب حاول يزيط بنت وزبطت معاه. فعلشان يثبتلها انه زلمة بعطيعا نص مصروفه وبدور يشحد سجاير من صحابه وبعد مدة بشوفها مع واحد تاني فبروح يسكر ويحشش عشان ينسى اللي صار معاه!!!!

في النهاية بعتذر عن كل خطأ ممكن أكون كتبته وبتمنى تعجبكم المواقف وتستفيدوا منها

سلام

hiba · #2 (**permalink**) 04-18-2010

la 7ilwe y3tek el 3afyeee:P
estmer

Angeleye_2008 · #3 (**permalink**) 04-20-2010

شكرا لمرورك الكريم
بس شكلي انا الوحيد اللي بدخل المنتدى حاليا
وين باقي الشعب؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)